2013回顧及2014展望

眨吓眼又到年尾，又係時候回顧同檢討2013。

首先當然要多謝我嘅母親大人同我太座，無呢兩個女人幫我睇住親梓樂園同屋企，我係無可能100%專注在事業上。

工作上，無乜好講，一潭死水，持續做返本份，都係個句，做少唔會炒，做多唔會獎。

生意上，接了三個新客，雖然距離訂下的5年計劃尚有一大段路，但客户數量有持續的增長，也感恩了。而唯一不快的事是給一個美國客和一個大陸客走數，現仍努力與對方相討，希望可收回部份。不過似乎自己一向先服務後收錢的原則要有所改變了。

投資上，仍在努力建立442陣式投資基金。

公益事情上，能做到的都已盡力去做，四五月左右，用自己的專業知識替慈恩籌了一點微不足道的捐款。同時繼續每年親梓樂園@聯合國兒童基金馬拉松。另外在年中在宣明會助養了一個兒童。

展望2014, 希望家人開心，身體健康，包仔揾到心儀N班，樂樂升到理想小學。最緊要係生意越來越好，可以提早達成第二個五年計劃。

有限公司買物業，有乜支出可以扣?

用有限公司買物業，有乜支出可以扣？ 呢個係一個好熱門嘅問題，之前我好少响呢個問題著墨，因為我怕被人話我借呢度黎揾生意，不過把口生响人度，人地要講咩我都阻止唔到。有揾我問過下野嘅人都知，你打得電話比我，我知嘅，一定會講，唔知嘅，都幫你問個答案出黎，無論你係咪比生意我做。 好，廢話少講，入正題。 用有限公司hold物業收租，好多人第一時間會話，一間收租公司可以有咩支出呀。無錯，在你眼中，你間公司係單純收租，但在我或外人眼中，你間公司係一間公司，可以係經營任何行業嘅公司。 因為一般人開間有限公司是有目的地開，所以在思維上已有局限。假設你用間有限公司經營生意好多年，然後用呢間公司買些少物業收租，咁得唔得？ 又或者我間公司本身有收租物業，但係又想好似759咁轉型賣下零食，開多瓣生意又得唔得？ 香港係冇規定一間公司只可以經營一樣生意。咁點解D人要用唔同公司做唔同生意，呢樣係關於風險同税務管，講呢D，有排講，所以唔講。 希望大家睇完會明白用公司名義hold物業收租，可以有咩支出。 算係一份微不足道嘅聖誕禮物，祝大家聖誕快樂，身體健康。 免責聲明: 本人所寫的任何文章都只是我個人的看法或者自己的紀錄與心得分享，其目的在於供自己檢討以及與資訊交流，如果你有緣看到並覺得有趣或有用，那算是本部落格的小小貢獻。但是每個人都應該為自己的行為與結果負責，看到任何資訊都要思考，那是對的嗎？那適合我嗎？所以請記得獨立思考，也歡迎批評指教。