記得中學去一間補習社補英文，個miss好好人，只要你向佢表明有經濟困難，佢會唔收錢比你上堂，佢話佢只係扶人一把，最終都係要靠自己自救。
而家無教育工作者同學生講呢D，所以新一代會將自己嘅前途交比政府或其他人幫佢計劃。
既然一萬月薪唔夠，咪去做兼職。咁當然有D人會話，日日OT喇，邊有時間呀。咁平時你地咁鐘意淘野，淘D貨放EBay去外國羅。
我唔信响香港肯捱肯做肯諗唔怕蝕底，係會餓死。人人只係睇到誠哥發達之後點點點，又唔睇下佢發達之前係點捱法。
其實除非係富二代，否則家陣有D錢嘅，有邊個唔係辛辛苦苦捱出黎架。
日日去登高無病呻吟，就算比你月入十萬，你咪又係响度等死。
