公佈去年1.86萬伙 實際僅1.6萬伙 住宅施工量 政府報大數

政府經過逾兩年的主動推地後，其公佈去年施工量的私人住宅量雖達1.86萬伙，為12年來新高，但截至去年底止的未售供應量，仍較每年2萬伙的供應目標或市場可接受需求量少逾16%；加上施工量多年來「報大數」，去年實際施工量只1.6萬伙，故實際供應比表面數字更少，業界預期三年內也難達標。
記者：林志光　程俊華

據運輸及房屋局統計數字顯示，於去年開始地基工程，及鐵路物業上蓋工程的施工住宅量，達1.86萬伙，較前年1.03萬伙激增近80.6%。而去年止累積未售的落成及建築中、和未動工熟地所能提供的單位量，達6.7萬伙，為07年第3季後新高。該局發言人表示，該批單位可作為未來三至四年的一手私人住宅供應量，當中大約有4.21萬個為實用面積少於753方呎的中小型單位，約佔整體供應量63%。
另預計未來數月會再有多幅住宅用地轉為熟地，合共額外提供約9,000個單位，本年度賣地表中仍有23幅待售土地，合計可興建約5,400個單位，因此估計未來幾年的一手私人住宅單位的供應量應會繼續增加。

距離目標少逾三成

然而，以6.7萬伙計，即未來4年每年供應未夠1.675萬伙，跟目標仍差逾3,000伙。如以現時一般熟地由出售至落成，實際需時約5年時間，即平均每年供應更少逾三成。
另外，從政府提供的施工量數字，因未反映發展商曾修改建築設計，更出現多年報大數現象，如去年的1.86萬伙，實際施工量只1.6萬伙，少2,600伙，差幅約14%；前年也少約1,300伙。再翻查04年至去年的相關數字，便發現施工量少約6,000至8,700伙。因此，未來供應會更少，況且發展商能全權掌控銷售速度，政府極難掌握實際供應。

發展商主宰推盤量

韋堅信測量師行估值董事林晉超指出，全年動工量升至1.86萬伙，「雖然仍然追緊，但仲未夠2萬伙」。由取得地皮、發展至賣樓隨時要2至3年時間，故相信在2015前落成量都不會足夠2萬伙。
再者，發展商發展地皮後有自己發展的模式，施工步伐可快可慢，賣樓花時又可分階段「唧牙膏式」推盤或留待現樓才賣，故真正推出供應市場的單位會更加少。儘管供求緊張或因施工量回升而拉近，但短期內供應仍難大增，樓價易升難跌。
會德豐（020）黃光耀昨日出席公開活動後表示，相信市場仍在消化施政報告及「雙辣招」的影響，暫時樓價平穩，他認為以往建屋量只有約七八千個，供應太少，市民「怕無樓買」才會急於入市，他相信未來供應量持續增加。

私樓一手供應　政府冇話事權

項目施工：發展商由取得項目發展權，至申請施工紙，動輒可長達兩年，影響項目動工速度及日後出售進度。

申請預售：雖然預售樓花期達20個月，但申請預售樓花同意書主導權在發展商，遞交申請預售速度，足以影響樓花供應。

推售樓盤：各財團及發展商推售樓盤策略不一，每次出售，多以「唧牙膏」方式推售，因應市況控制推售單位多寡。

日日出口術都無用, 係有就有, 無就無, 而家講係一座座building呀, 唔通CY可以變幾幢出來? 不過都係個句, 有自住需要, 計好條數就去馬, 至於投資........, 有實力就無所謂, 但係見人買你又買怕執輸的話, 就真係U諗U喇。

德運金回國需七年

蘋果日報

德國國內近期不斷有政客質疑黃金儲備儲存在海外是不安全，德國央行去年11月曾闢謠，表示對美國聯儲局有信心，認為黃金儲備非常安全。不過新年伊始，德國央行便立刻轉軚，宣佈將於2020年前，從紐約聯儲銀行金庫調回300噸黃金；而荷蘭亦有黨派要求政府將海外的黃金儲備調回本土。
德國央行表示，預期於2020年，德國的黃金儲備當中，有一半將會儲存在德國本土。現時存放在紐約聯儲銀行的黃金儲備佔整體儲備45%，未來七年將下降至37%；放在倫敦的英倫銀行的黃金則維持佔整體比率13%不變。除紐約外，現時存放在法國央行的374噸黃金亦會全數調回德國。

荷蘭政府擬跟隨

德國央行解釋指，調回黃金目的在於建構本土信心及方便黃金交易。自歐元區成立後，德國及法國均使用歐元為國家貨幣，因此德國央行毋須依賴巴黎進行黃金外滙交易，加上德國央行金庫有空間，因此黃金儲備可運回本土。
另荷蘭媒體報道，荷蘭基督教民主黨已提出要求荷蘭政府將外黃金儲備調回本土。荷蘭政府現有612噸黃金儲備，為全球10大黃金儲備國之一，該國的黃金主要儲存在美國、加拿大及英國，只有約10%存放在阿姆斯特丹。


好明顯, 家陣美國已經唔係一個可以信賴的國家, 引申而言, 美元仲係唔係咁可靠呢?

租約逐月簽紫羅蘭書局結業

租約逐月簽紫羅蘭書局結業

租金不斷升，小店難捱，新一年到臨不久，本港多間老字號書店迎接結業前的最後時光。在美孚新根十年、由詩人打理的紫羅蘭書店，因業主把改為續租方式為「一月一簽」，擔心隨時加租或被迫遷，將於下周日（二十日）結業。

「這相信是我派出的最後一張『紫羅蘭』的卡片了。」老字號的紫羅蘭書店負責人王敏說。身為詩人的他，由愛書惜書到投身書店一行，自二○○三年紫羅蘭開業以來一直打拼，不經不覺已是十年光景。

「約三個月前，業主留下一份新租約，指要改變續約形式，要一個月續一次約，我們覺得很不穩定，擔心隨時加租或要搬，所以結業。」他指，結業後不會「東山再起」，因舖位難求，加上另覓新舖等於要「由頭來過」，重新建立讀者群，不是易事。

紫 羅蘭的書客除了文人雅士，還有一班美孚街坊，不少人均感可惜。「我們在社區根，見住班街坊成長，有來買書的小孩轉眼間就變了少年了，有時有常來的老人家忽然不再來了，我又覺感傷。」至於王敏，他坦言，最感傷的已淡去，「有始就有終，我四十歲承受得起改變。」
租金升幅達三成

書店林立的旺角區及銅鑼灣區，因租金飆升，亦將掀起結業潮。位於旺角的榆林書店傳因租金由二萬升至三萬，亦將結業。榆林書店總經理徐美玲指，仍在跟業主商討租約，不便回應。位於駱克道的銅鑼灣書店，亦因租金升達三成，五百多方呎舖月租逾四萬，老闆林榮基無奈地說，最多只能捱多兩年。

美聯集團董事總經理黃子華指，旺角西洋菜街的樓上舖租金升幅由六至八成到逾倍，月租四至八萬不等，傳統二樓書店現時要競爭的租客，是不能在地舖生存的時裝店，估計未來二樓書店要遷至二、三線樓上舖；銅鑼灣利園山道樓上舖一個月租十四萬的髮型屋，最近業主轉租予一連鎖眼鏡店，月租高達三十萬元。

頭條日報 14/1/2013

供養父母免稅申報

今日同朋友k食飯，傾傾下，佢話年年都交好Q多稅，冇仔女，份糧出咁多，就計足哂稅，好鬼甘。

咁我話，你唔記報世伯伯母呀，我記得佢地好似都有60架。

朋友k嘅答案令我好乸驚訝，佢話佢阿爸阿媽有幾千萬身家, 話比人聽要佢養都無人信啦。

假設阿爸阿媽好鬼有錢，不過我為表孝心，每個月都會象徵式咁俾一兩千過佢地，當係請佢地食兩餐飯。真係兩餐咋，因為佢地通常去啲好鬼高檔嘅食府，一餐都食成千銀。咁嘅situation, 朋友k可否申報供養父母免稅額？

答案係可以嘅，因為話9之你老豆係李+x定係李趙雞，總之你響課稅年度內提供唔少於$12,000供養父母就可以申報。

朋友k話而家都報左稅，講黎都哂Q氣。我就叫佢上稅局網頁download張lR6071，填完交上稅局就搞掂。

如是者，兩星期後，朋友k打電話黎吊高我，佢話佢家姐閙佢做乜無乸端端走去報阿爸阿媽個免稅額，搞到稅局出信俾家姐。

死火，我一時忘記左朋友k有個家姐添。因為根據稅例，只有一位子女可以申報同一父或母嘅免稅額。火麒麟一時大意，忘記問清楚朋友k，最後都搞番掂，不過要請朋友k食返餐姐。

有限定無限

呢個又係一個頗為熱門嘅問題，到底做生意應該開有限公司定無限公司。

如果我係俾錢你洗嗰個，我老死都想你用無限公司同我做生意或簽約，因為有咩冬瓜豆腐，除非你釘左，如果唔係我實追債追到天腳底。

簡單啲講，你唔係做乜春大生意，或者諗住試下盤生意有冇得做，咪平平地，攞張BR玩下囉。
不過如果你做個盤生意好鬼高危，借近來三叔同蛇果單野為例，你做設計嘅，你設計左件野後比其他公司告你抄襲，之後仲要輸埋，如果你唔夠錢賠，你可以摺左間有限，拍拍屁股走人，但係如果你係無限，咁就恭喜你喇。

照火麒麟咁講，用有限公司做生意咁so，爭人錢可以唔駛還，咁點解仲有人問應該用有限定無限做生意。

查實咪又係成本問題囉，無限公司每年成本係張BR費用，而有限公司就除左張BR,仲有公司秘書，核數，計埋至少每年都要8k-10k。

所以你問火麒麟用邊隻好，不如你問我你個仔食乜Q奶粉仲容易答。

公司稅務Q&A

我成日響啲討論區見到啲人問關於個人或者公司嘅稅務問題，其實有啲問題真係花丁丁時間去稅局網頁睇下就搵到答案。其實我都明, 稅局寫個D野, 有時個個字都識, 但係就唔明佢講咩.

有時我都會回下，不過回得多都覺煩，所以試下寫個blog, 睇下可唔可以幫下手啦。

今次整幾條簡單嘅Q&A當係見面禮先啦。Q : 有限公司成立後，會幾時收到第一份利得稅報稅表?A : 公司成立18個月後就會收到.

Q : 收到第一份利得稅報稅表後, 應該要點做?

A : 梗係第一時間搵我啦!(講笑) 應該即刻搵個執業會計師做你稅務代表幫你間公司申請延期, 如果唔係, 就要響報稅表上的發出日後一個月內交審計報告。第一份可以有三個月期限。不過如果真係唔知點搵一個可靠o既執業會計師, 就搵我介紹啦.

Q : 完成左審計, 交埋審計報告上稅局之後, D文件係唔係可以送去堆田?

A : 根據稅局要求, 公司要保存至少7年業務記錄, 如果保存不足, 即屬違法，最高可被罰款 100,000元。唔好以為吹水, 我有客人真係比稅局罰過. 你可能會話好煩, 其實好簡單, 假設你一年o既文件有一大箱, 個箱面寫低年份, 同埋第幾年, 寫到第八年, 就可以送第一年個箱去堆田.

點解我會寫呢個blog?

火麒麟今年30有4，回想當年F.6之後，飛左去楓業國遊學3年幾，最終都係冇攞個degree就死返香港，當年仍是一名死𡃁仔嘅我，冇人生目標，有嘅只係一個個白日夢，老實講，而家諗返轉頭，都幾憎自己。

之後經人介紹入左間會計師樓做audit, 個時都唔Q知乜叫audit, 只係知個manager講一堆唔知咩，我心諗，佢講咁多做乜鬼吖，你老闆係咪都請我架啦。

冇錯，當年嘅我就係咁仆街，咁招積，其實到而家都係咁，不過圓滑左，但係招積得黎冇咁仆街囉。

由入呢間會計師樓到今時今日嘅經歷真係豐富而多變。火麒麟今年34歲，仍然係一樹無成，不過都想記低呢10左右嘅事業同思想上嘅轉變。

另外當然希望透過呢度分享一下自己半專業嘅知識，俾自己出來創業嘅朋友有個參考嘅地方，因為我都創過業，知道創業嘅路嘅孤獨同埋艱苦。

火麒麟自己都不停有建立新生意嘅諗法，不過已有2樣生意加1份正職嘅我，已經忙到死下死下喇，有時候有個念頭咪同人share下，睇下有冇得做，有人攞條橋做，掂左係你叻仔，10人做同一樣野都有人掂有人衰，况且街外錢，1個人邊搵得哂呀，除非你係姓李啦。